अभियानका सहभागी कमरेडहरूलाई धन्यवाद !

मुक्ति समाज नेपाल उत्पीडित, दलित र वञ्चित समुदायको सामाजिक न्याय र समान अधिकारको आन्दोलनका रूपमा उदाएको संगठन हो। लामो समयसम्म जातीय विभेद, छुवाछुत र असमानताको सामना गरिरहेका समुदायहरूको आत्मसम्मान, चेतना र अधिकार सुनिश्चित गर्ने अभियानबाट यसको सुरुआत भएको हो ।

आज मुक्ति समाज नेपाल देशभर संरचना विस्तार गर्दै, संगठन सुदृढीकरण, नेतृत्व विकास, राजनीतिक सहभागिता र सामाजिक रुपान्तरणको अभियानमा क्रियाशील छ। हामीले गाउँ–नगर, जिल्ला र प्रदेश तहसम्म प्रतिनिधित्व निर्माण गर्दै हजारौं सदस्यहरूलाई संगठनसँग जोड्न सफल भएका छौं। विशेष गरी युवा, महिला र शिक्षित वर्गको सहभागिता दिनप्रतिदिन बढ्दै गएको छ ।

हामी भोलिका दिनहरूमा मुक्ति समाजलाई थप सक्षम, समावेशी र नीतिगत हस्तक्षेप गर्न सक्ने जनसंगठन बनाउने लक्ष्य लिएका छौं। दलित समुदायको आत्मनिर्भरता, शिक्षा, रोजगारी र समान सहभागिता सुनिश्चित गर्दै हामी समानतामूलक समाज निर्माणको यात्रामा निरन्तर अग्रसर छौं। यो संगठन केवल आवाज होइन, परिवर्तनको बाटो हो।